Episode 6: In Gedanken an Mikesch
General Summary
Herzlich Willkomme bi BEARSnGAMES uf eSports.ch
Hüt spielemer snächste Kapitel i üserem Dungeons&Dragons Format "BEARSnDragons".
Mir sind grad a üsere Kampagne dra wo mier The Royal Claw nänned.
Zum üch en chliine Überblick zgäh da mal es "Was bisher Geschah":
De Billy isch vom Cpt. Vane Blacksouls beuftreit worde en neui Crew zfinde für siis Schiff. Im Gasthus vo Phandalin isch er uf de Lyno troffe wo uf de Suechi nach Helde gsi isch. Zäme hend sii denn es paar wiiteri starchi Persone aghüüret, en schwiigsame Mönch de Tiriel und es chliises ufbrausends Meitli (Vin). Vom Sir Tristan em Lord vo Phandalin hends denn de Uftrag übercho dThessalhydra zbesiige und ihm ihri Chöpf zbringe.
Parat und voller Tatedrang hend sie sich uf de Weg gmacht die Hydra zsueche.
Uf em Weg het sich ihne no en chliine Held agschlosse de Sir Mikesch aka Gestiefelte Kater, usserdem sinds uf ganz viel schwachi und es paar starchi Troglodyte (Reptiliehöhlemensche) gstosse und hend sich dur es verfluechts Labyrinth dure vo de Materielle Ebeni in en anderi Welt "dSchattewelt" begäh.
Nach me churze Usflug i dere neue Welt wo sie unter anderem uf en Muetigi, Ritterlichi Prinzessen troffe sind und en Demogorgon easy mal schnell fast ge "OneShoted" hend. Hends au scho wieder de Weg zrugg i die Materielli Ebeni gfunde.
Endlich acho bi de Höhli vo de Thessalhydra isch de Kampf au scho schnell usbroche. Es isch gschlage, gstoche, gschosse, bisse und Zauberet worde... es richtigs Füürwerk hets gäh, doch leider hets de Sir Mikesch chli härter verwütsch als di andere und er isch besiegt worde. Zu dem isch dTessalhydra au no grad zmitzt im Kampf dur es Portal weg bracht worde und es paar komischi Nachrichte sind dur das Portal zum Billy cho.
Nachem Kampf hends di scho abgschlagene Chöpf vo de Thessalhydra igsammlet und dÜberrest vom Mikesch, sägemer mal verwertet...
De Tiriel het sich verabschiedet da ihm das vermuetlich "chli zviel" worde isch und sie hend sich zrug uf de Weg nach Phandalin gmacht.
Zrugg ufem Schiff hend di verblibene zwei, Billy und Vin, de Cpt. Vane Blacksoul drum bätte ihne zHelfe die letschte Troglodyte zvertriibe was sie denn au mit de Unterstützig vom im Wald uf sie gstossene Verdan au recht schnell gschaft hend. (De Vane het so zimli alli im eleingang zerfetzt)...
Zmitzt i de Nacht chömeds zrugg uf Phandalin und geshnd wie es Huus in Flamme staht. De Vane gseht das die Flamme gnueg wiit vo sim Schiff weg sind und gaht lieber öppis go Esse, au de Verdan isch glicher Meinig, aber dVin und de Billy gebet sich richtig müeh und schaffeds zäme mit de Dorfbewohner das Füür zlösche.
Jetzt isch nur no dFrag wer das Füür gleit het ... Nachere meh oder weniger erfolglose Befragig vo de Awesende Bewohner haued sich alli zersch mal für en langi Rast ufem Schiff ufs Ohr.
